伊死的漫畫特區

《極主夫道》快撚啲拍日劇啦！

津田健次郎請受我一拜！

今日日本網上最熱漫畫相關話題，一定係《極主夫道》真人版廣告！

為咗賀吓《極主夫道》漫畫版出到第4期，銷量超過120萬本，喺年尾無啦啦有條咁癲嘅宣傳片出現，明明12月頭官方先至出咗一條第4期嘅漫畫版宣傳片，點知仲會有條癲到神級一樣嘅真人版宣傳片。我直情係High到唔知應該點樣整理文路。

津田健次郎簡直係由漫畫行出嚟嘅一樣，堅到爆！

真人版宣傳片上傳只係1日，已經超過220萬個View。

一年前漫畫版宣傳片，累積係32萬個View，真係幫到手谷銷量。

［勝手LINK］
>《くらげバンチ》連載網站[免費閱讀]
>官方精品通販網站
>去Amazon.co.jp買書

《極主夫道》呢本漫畫係2018年嘅奇蹟，喺新潮社嘅網上平台《くらげバンチ》連載，平地一聲雷，憑住高反差兼易食到爆嘅情節爆紅，仲喺2018年掃晒年尾啲漫畫獎項。漫畫版人氣高企又好賣，為新潮社吐氣揚眉，網上漫畫平台捱咗咁多年都冇咩起色，今次出版社終於有漫畫係有錢賺。

《極主夫道》講咩？

故仔好簡單，人稱「不死身之龍」嘅黑社會大佬阿龍為真愛金盤洗手，留喺屋企做全職主夫，為女強人老婆美久日日煮飯洗衫打掃，同埋喺屋企撚吓貓。不過話晒係黑幫傳說，龍哥退隱江湖之後，都江湖味十足，一舉手一投足都散發住霸氣，搞到連煮飯洗衫同買餸都霸氣外露，成日俾白警逗、嚇親小朋友同街坊。

呢套作品最黐線又最好睇嘅地方，係睇住阿龍用好認真好黑社會嘅語氣同表情，真心做啲日常過日常嘅嘢。龍哥仲要女子力超強，勁過好多師奶仔。我相信睇住呢本漫畫，學嘅嘢多過「婦女新姿」同「都市閒情」（雖然兩個節目都唔存在）。

社團解散之後，佢以前啲同兄弟都轉晒行賣忌廉薄餅，連黑道大家姐都去咗超級市場做，但係唔知點解又係個個都一身江湖味。

呢集笑到反肚。大家姐啲日文真係江湖味濃到爆，用嘅字眼語帶雙關，可惜一譯做中文，就冇咗日文嘅玩味。個人覺得勉強似番原文霸氣意思嘅，都係用台語或者廣東話呢啲有咁多歷練嘅語言。（我流廣東話。台版中文版唔係咁嘅。）［click圖放大］

好睇在邊？

作者おおのこうすけ一出道第一個連載就係《極主夫道》，畫功好之餘，掌握反差嘅Sense、每一話故事節奏都好正，幾乎每一話都會有估你唔倒嘅爆笑位，睇咗4期都唔厭，係近年出一期我會忍唔住敗家一期嘅好作品。

睇漫畫俾錢睇是常識，漫畫家都要食飯嘅。

呢套作品有個好勁嘅地方，就係即使你唔明日文，睇畫面大約都會由角色嘅表情、肢體語言、發生地點同環境等等，大致上明白佢哋搞緊咩。唔明日文都可以笑餐飽。
（真係俾過唔識日文嘅 Mokona Lam 睇，堅係笑得好開心）

目前有台灣中文版，但我個人覺得台版可以真癲啲，用台語譯會仲襯。
香港如果有人出版嘅話，用廣東話譯對白先至爽皮。
既然冇人出港版，又俾我手痕玩吓。
（又係嗰句，我手痕咋，大家去買正版！）

求其搵幾頁都見識倒情況有幾高反差，龍哥嘅反差萌完全係大佬級。佢條圍裙堅係有得賣。（我流廣東話。台版中文版唔係咁嘅。）［click圖放大］

聲優選角FIT到爆，FANS一致覺得無論動畫化或者DRAMA CD化，都應該繼續沿用宣傳片嘅聲優。舉腳贊成！（我流廣東話。）

津田健次郎神還原《極主夫道》
喺第1期出版嘅時候，出版社用漫畫剪咗宣傳片，搵咗聲優津田健次郎為男主角「龍」配音。而之後期期都剪片，第2期條宣傳片加埋龍哥條阿雅（聲優：鈴村健一），第4期宣傳片係龍哥同佢好兄弟虎二郎（聲優：細谷佳正）一齊宣傳。

津田健次郎聲音沉厚，最易認得出佢有濃濃嘅鼻音，一口爛仔腔入型入格（正宗大阪人嚟㗎！）。由第1期宣傳片開始，把聲已經食到阿龍應一應，喺讀者心目中，一早就覺得「津田健次郎＝不死身之龍」。

原本FANS（包括我）都坐定粒六，等作品動畫化之後，繼續用番宣傳片嘅聲優班底，估唔到更加驚喜嘅係宣傳片會超進化，拍咗真人版，而且由津田健次郎本人飾演不死身之龍。有片為證，除咗把聲夠入格，津田健次郎係連造型同演技都完全還原不死身之龍，簡直係由漫畫走出嚟一樣！

睇埋Staff roll，津田健次郎仲有份做導演！

津田健次郎自己都真心愛呢套作品，所以玩得好癲。

神還原！

日本聲優個個都咁堅㗎咩？
係津田健次郎勁咋。
咁又唔好太誇張，係津田健次郎本人勁啫。雖然日本聲優把聲正、演技好、唱得、跳得、做電台節目主持、玩埋舞台劇嘅人非常多，但係神到好似津田健次郎咁嘅，又真係冇幾多個。

津田健次郎當然係以上咁多樣都有玩晒，同時都係舞台劇演員，拍過日劇、電影，演出經驗嚟講可能活躍過好多名不經傳演員或者偶像仔。我成日以為佢有份配過《人中之龍》系列，睇番資料，原來係冇（反而李燦森有配過），希望《人中之龍》製作組諗諗佢。

相信喺津田健次郎嘅演藝生涯，除咗《網球王子》嘅乾貞治為聲優迷熟悉，《極主夫道》嘅不死身之龍都算係代表作。

結論：
《極主夫道》快撚啲拍日劇啦！
而家咁多網台，唔駛玩咁大同電視台咁，少少哋玩網台已經有好大迴響。
唔好嘥咗咁好嘅作品同有愛嘅Back Up團隊。

雪晴老師，好好休息。

Rest in Heaven…

今日收到香港漫畫家雪晴老師已經離世嘅消息，個心沉咗一沉。

雪晴老師FACEBOOK嘅FRIEND POST

唔知大家有冇睇過雪晴老師嘅作品，我有由《YES！》開始睇《精靈少女魔法鼠》，但係從來唔係佢嘅忠實讀者（我都唔鍾意睇少女漫畫）。正式認識雪晴老師，係入咗天下，做《Comic Fans》開始。

喺《Comic Fans》同雪晴老師共事過一年多少少，其實我唔係佢嘅責任編輯（而係雪晴以外嘅漫畫家嘅責任編輯），所以比較少接觸佢，但係對雪晴老師個人嘅印象真係好深刻。

因為，雪晴老師真係好靚。

雪晴老師真係好靚。笑容好治癒。

係嘅，我好膚淺，靚女係特別好印象。而且佢嘅笑容真係好甜美，有時編輯部與漫畫家之間有小磨擦在所難免，但係望倒佢嘅笑容真係融晒，我會好自然企喺佢嗰邊而唔係企公司嗰邊（冇漫畫家哪有漫畫出版）。

雪晴老師明明係獅子座，但係從來未見過佢發脾氣，可能佢嘅獅子精神去晒工作上。

有時截稿日大家趕頭趕命，聽倒佢喺電話交待嘅嘢全部都好有條理，而且，佢唔止《Comic Fans》嘅連載（當時連載緊《超模糖》同埋《G.E.M.COMIC～完美攻略～》嘅漫畫，即係用宇宙G.E.M.做主角嘅原創作品，其實創作過程同同宇宙G.E.M.一啲關係都冇），仲有自己嘅原創作品。

當時聽講佢每日嘅平均睡眠時間係三四小時。日日係咁嘅話真係人都癲。
個人覺得漫畫版G.E.M.係順眼過真人G.E.M.嘅。

另一樣佩服雪晴老師嘅地方，係佢喺好早開始，已經自組製作公司，以個人名義接JOB，而唔係依附某一間出版社。

當時唔係好似而家咁流行獨立出版，基本上都係靠出版社，令出版社覺得漫畫家冇咗自己唔得，唔簽死間出版社嘅話，漫畫家嘅待遇一般都唔係咁好。我非常支持漫畫家自己話事，唔駛聽晒間出版社啲廢意見（包括我講嗰啲意見都好廢），至少係贏係輸，都係向自己負責。

但係，其實一個漫畫家有本事嘅話，食幾家茶禮都冇問題。
雪晴老師就係有本事嘅漫畫家。

有本事，唔單止係講你有冇畫力、速度、創作力等等去準時交稿，同出版社維持良好關係，都係一種本事。我好少聽倒有出版社嘅人講雪晴老師壞話，甚至漫畫家之間，都好鍾意佢，呢啲咪就係本事囉。

仲有一點好好好好好很緊要，雪晴老師係個極度準時交稿嘅漫畫家。

可能你會話，「準時交稿是常識吧？」…。
（你望吓冨樫老師…）
但係好多漫畫家都冇意識準時交稿，遲咗入稿，美編唔會通頂幫你排版（《SpeedUP》會）、印廠唔會通頂幫你印雜誌，註定要遲出街，然後讀者會好唔開心，又會打電話上公司小爆編輯。係，少女漫畫嘅讀者都有激動嘅，我係有收過四字真言電話問題。

所以，雪晴老師無論喺嗰個月要畫幾多頁、要畫埋封面彩圖，都會準時交稿——最多遲半日。佢親口講過明白讀者嘅期待，亦都唔希望讀者每月買月刊嘅習慣會受影響。

雪晴老師北上後嘅作品。可惜電影本身麻麻，漫畫跟住套戲都係冇咩聲氣。

近幾年佢北上中國，我知道係難打嘅戰場。中國讀者冇香港讀者長期支持嘅基礎，亦都會用外國作品同香港作者比較，我喺其他漫畫家朋友口中聽到佢有幾努力。冇諗過喺呢個時候，雪晴老師會離開戰場。

雪晴老師唔需要再戰，希望你可以好好休息。

可能你未睇過雪晴老師嘅作品，又或者佢嘅作品唔係你杯茶（同我一樣），但係，佢擁有專業漫畫家嘅精神，絕對係所有同業嘅好榜樣。

《先生白書》見證冨樫義博最勤力的日子

《先生白書》見證冨樫義博最勤力的日子

書名：《先生白書》

作者：味野久仁和

出版社：講談社 / 時報

售價:￥885(￥719)/ NT 300

種類:傳記‧爆粗‧紀實

[勝手LINK]

☆《先生白書》味野久仁和（#MyArticle #澳門日報 #專欄）
☆我在澳門日報的專欄魚拓
☆Kindle日文版
☆博客來資訊
☆金石堂資訊

[以下無責任感想～]

終於有時間寫漫畫介紹～
這本冨樫義博助手畫的爆料漫畫，我在去年已經購入日版，然後愉快地看，沒想到真的有出版社肯出中文版，而且是時報！
竟然是時報!
竟然是時報!
竟然是時報!
難道這真的能撥進去紀實漫畫的範疇嗎？

看到中文版竟然推出特別版，賣到300台幣（折扣後是240台幣左右），我只能在心裏說一句：「不要說冨奸很奸，用冨奸之名賺錢的才是最奸。」

日版也只是885多YEN，KINDLE電子版是719多YEN，大家都會兌換～

（以下繼續這個BLOG的傳統，我流廣東話漢化，只作介紹用，有興趣請支持正版！）

☆至理名言！不愧是冨樫義博！

回到作品本身，味野久仁和以助理身份去畫冨樫義博的努力時代，原本就是一個吸引的主題。

冨樫義博在《幽遊白書》開始，助理就已經不算多，在《少年JUMP》來說，更加是以很少助理去完成週刊連載的作者。結果《幽遊白書》19期都是在少人數下完成，除了定員的兩名助理，到後期增多一名，就是冨樫弟弟來幫哥哥的忙。這樣的工作量，令人非常佩服，也難怪冨樫會畫到腰痛。

是真的，他真的是腰痛，助理味野久仁和見證冨樫要趴在地上畫畫。
不過，搬了工作室後，他就變成趴在地上打機…

身為冨樫和《幽遊白書》迷，這本《先生白書》當然不能錯過，裏面爆料級數，以10分為滿分的話，只有6分左右。
大家最想知道「《幽遊白書》最終章之謎（其中一個傳聞是冨樫車禍，不得不完結）」、「冨樫義博情陷武內直子被公主釣走之謎（《LEVEL-E》就是講王子被公主釣走的實錄）」、「冨樫與編輯部吵大鑊之謎（其中一個傳聞是冨樫與責編閉門在集英社會議室用七大暗器之首的摺櫈大戰）」、「《HUNTER X HUNTER》長期休載之謎」等等等，都沒有深入去說。

只想看爆料的人可能會很失望。

不過作為一本了解冨樫其中一些面貌的紀錄漫畫，卻十分有趣。

節錄一些重點是咁的：
★冨樫和責編的感情很好，責編不會稱冨樫做老師，而叫「冨樫くん」。（所以傳聞中兩人大戰的故事可信度不高）
★而冨樫也很怕被責編發現他偷偷打機不畫稿…（似乎只限在《幽遊白書》期間…）
★會出花紅給助理！（到了現在經常停刊仍然會！）這個老闆太好～
★寵物＝蛇
★因為外表太兇恨和不修篇幅，白天上街常會被警察問話

★《幽遊白書》結局篇早就決定不會深入畫魔界的比武，結局也一早決定好

★超愛打麻雀，工作室曾有一張電動麻雀枱（用經費買。還記得浦飯溫子有一幕在打麻雀嗎？）
★冨樫工作室有一部街機…
★不會把角色交給助理去畫
★《浪客劍心》FANS~
★冨樫見過漫畫之神手塚治虫
★會在每期單行本為助理畫簽繪
★搬工作室是為了女～（沒誤）
★武內直子未追到冨樫之前，都會去工作室探班（《美少女戰士》連載完了十世，公主非常空閒）
ETC…

☆打牌講是非，似乎不分男女～

由於這個助理本人的記憶力也有點含糊，不少部份也草草帶過，而且他可能因為冨樫的知遇之恩，對冨樫的形容有美化到～

要不要敗下這本，就要視乎你有多喜歡冨奸／《幽遊白書》，反正我敗下來沒有覺得被騙就是。

台灣版賣得貴，除了因為時報本身把這本書當作一般工具書發售外，更因為推出了特典，附錄了小冊子，訪問了台灣的一班漫畫人在助理時代的事。這其實也很值得一看～在台灣的漫畫之路，名副其實是荊棘之路啊！

☆原來當年我沒看錯，真的是何Ｂ仔～

可是啊…台版的封面設計實在不太吸引啊。
當然，原本的封面圖就不及引，不過日版的色彩鮮明，第５色印得很漂亮！台版用實色做背景，造成了陰沉的效果。
（每次時報都是敗在這些地方上………）

想買日版還是台版，可按個人能力和喜好。

我還是要強調，愛漫畫的話，要課金給漫畫家。
即使漫畫家腰痛休載，讀者要看，課金是基本常識。即使漫畫家出書慢，每本書都值得付書錢，不要當看書小偷。
漫畫家還要養助理、養蛇、養編輯、養老婆、養出版社…

［HASH TAG］
#今日看這本 #漫畫
#不讀會死 #冨樫義博 #冨奸
#腰痛 #HxH #幽遊白書 #LevelE
#少年JUMP #漫畫家族 #爆料
#叫個孫燒ENDING俾自己系列

☆想看冨樫版劍心的舉手！

聽歌睇漫畫：

超愛這首ENDING~

DAYDREAM GENERATION by 馬渡松子
田中真弓（小閻王）的版本都好好聽~!!

《悪魔を憐れむ歌》ーー漫畫家回歸的賛歌

書名：《悪魔を憐れむ歌》

　　　《惡魔的哀歌》

作者：梶本レイカ

出版社：新潮社 / 青文

售價:￥691 / NT 1２６

種類:懸疑‧驚慄‧吸血鬼‧美劇‧獵奇

[勝手LINK]
★悪魔を憐れむ歌　1巻 (バンチコミックス) Kindle版
★青文編輯部推介
★日本官方連載網站
★我的專欄介紹魚拓
★我在《澳門日報》的專欄介紹

看了上文的介紹，便會明白我有多麼激動。

一度宣佈引退封筆不再做漫畫家的梶本レイカ老師，竟然重新作畫出書了！

大概不少人不認識她，她是ＢＬ漫畫家，這次以驚慄漫畫家的姿態回來漫畫界，帶來充滿視覺衝擊的作品。

她的ＢＬ作帶有意識流的感覺，而這套《惡魔的哀歌》則完全帶有美劇的色彩（明明發生在日本，卻以為刑警先生和醫生都是美國人…）～

老實說，完全沒有想過青文竟然會出版，這套作品的風格畢竟太小眾了。（大概青文編輯部有貴腐人）

也因為這樣，我才毅然決定在大眾平台介紹這套小眾作品。

連環殺人案+獵奇的佈局，還有作者成熟的畫風，令作品帶有一種詭異的魅力。

想寫的簡單介紹的都寫在專欄裏了，我反而對梶本レイカ老師的復歸很感動。

之前宣佈不再做漫畫家的原因是「力有不遂」，失去了自信的作者一般都很難再振作，可是老師真的走出了谷底，而且選擇發表自己未挑戰過的領域，這樣的勇氣很值得佩服。

當然也要佩服出版社新潮社，《COMIC BUNCH》果然是充滿無限可能。

到連載的網站看，其實梶本レイカ更新得不算密，是慢功出細貨那種，在網站連載能讓她非常鼓舞，因為讀者都能直接留言去支持。

大概是看到這些正面而直接的鼓勵，讓作家能努力下去吧。

日文版出到第三期，血腥、獵奇、叔萌沒有少畫，喜歡這些元素的話不容錯過！

今日金曲：
聽着《閃靈》的BGM去看會更有感覺!!

暗黑英雄回歸！《螺絲俠EAT-MAN MAIN DISH》

書名：《EAT-MAN MAIN DISH》

　　　《螺絲俠EAT-MAN MAIN DISH》

作者：吉富昭仁

出版社：講談社 / 青文

售價:￥５４０ / NT 1２６
種類:SF‧近未來‧冒險

[勝手LINK]
☆期間限定第一期日版免費
☆我在《澳門日報》的專欄推介
☆專欄魚拓
☆青文介紹[含試閱]
☆吉富昭仁Twitter

ＯＭＧ！！
我真的以為這套永遠不會出中文版！謝謝青文！中文版出得很有愛～很有衝動為了特典去買中文版…
（利申：買的是日版，第5色印得超美!!）

當年《EATMAN》動畫在TVB深夜播放，真下耕一果然是神，暗黑風格吸引到我每星期都追，也因為這樣去看整套漫畫版。

食螺絲的設定太神，在體內組成完整的機械，再由手上重組出來，這種爆炸似的奇想，在這之前根本從無想像。

《EATMAN》確實有其本身的魅力。在定位上，EATMAN可以勉強說是冒險+英雄作品，男主角ボルト沒有英雄式的絕招、CHOK樣，可是有英雄式的背負。他雖然不像蝙蝠俠般有羅賓，卻有一隻咬咬共生。另一個英雄特質，是有大量美女自動撲上去，可是他都像個浪子般，幾乎不會與某一個女性長久。

早期的《EATMAN》有大量美少女、充滿娛樂性的冒險，但到中期已經漸漸發展為強調主角孤寂的風格。我個人就是愛中後期這種調子，主角帶着一種背負，行事乾脆，明明擔子沉重，但不會怨命怨天，默默地做自己要做的事。

☆台版準備的特典好正～！

新一輯《螺絲俠EAT-MAN MAIN DISH》繼承了上一輯的這種氛圍，但是我有點擔心作者本人繼承不了上一輯那時的鬥心。

除了《EATMAN》是大長篇，推出了19期，他的其他作品都是幾期完的短篇。以吉富昭仁本人的說法，是「在月刊連載讓人很沒勁」，可是《螺絲俠EAT-MAN MAIN DISH》和上一輯一樣都是月刊連載啊…。作者說「週刊連載會不得不逼於去到盡」，你這個Ｍ…

由２０１４年開始連載，到了２０１８年的今天，《螺絲俠EAT-MAN MAIN DISH》推出了４期，期間作者還在其他雜誌連載軟科幻作品和出同人誌搵真銀。創作力太高，對讀者來說有時也是一種痛苦…

回到《螺絲俠EAT-MAN MAIN DISH》，看着會完全理解甚麼叫「慢工出細貨」。因為EATMAN的老讀者不會滿足於胡鬧劇情，所以新一輯的故事在每一話的情節都會扭盡六壬，讓食食超人在最有型的時刻出場。像第一話一開始便被軍隊追打的情況是有的，可是到最後關頭，他一定能夠發揮出最強作用，一秒解決事件。

希望作者大人繼續愛護EATMAN，我可以不看美少女，可是想繼續看食食超人。

相關閱讀：
ツレビト～連人～ ──對死亡的思考／伊死的漫畫特區

今日金曲：
咩回憶都番晒嚟！
當年呢個OPENING風格都係一種震撼

《不幹了！我開除了黑心公司》

我要炒老闆！

書名：《ちょっと今から仕事やめてくる》

　　　《不幹了！我開除了黑心公司》

原作：北川惠海

漫畫：鈴木有布子

出版社：角川書店

售價：￥702 / NT 130

種類：職場・心靈・劇情・微腐

[勝手LINK]

MyArticle漫畫介紹專欄

沒想到台灣出版社竟然會在這個月推出這本！
因為電影版去年暑假在台灣上映、香港也是去年10月上映的，而且小說也出版了一兩年了，總之漫畫版出版的最好時機已經過去。
可能又是等待版權批核等等成人的原因而受到拖延吧…

漫畫版由少女漫畫家鈴木有布子老師繪畫，害我覺得故事怎麼變得那麼BL… <<超錯！

尤其故事最後超展開，山本突然在青山面前消失了，那種「我是沒腳的雀仔，不要愛上我（叮！）」的感覺太強了。

而且青山為了追山本，竟然又追到去山本工作的醫院去！<<又錯

與《社畜人》相比的話，這本的劇情豐富，
而想笑的話，看黑色幽默的《社畜人》會較開心。

其實啊，在日本，
講述黑心公司、過勞工作等等同類型的書真的不少，
是日本的黑心公司太多，
還是日本打工仔太M了…
好吧，香港人也沒資格說他們就是…

☆最關鍵的一幕。主角青山下定決心炒老闆時說的這句~

今日金曲：

《愛與誠》原稿400萬円拍賣事件

成件事以為睇緊武俠小說。

近日日本まんだらけ拍賣網站出現一宗高價漫畫原稿拍賣，拍賣品為國民級漫畫《愛與誠》彩色原稿，結果喺2018年5月6日以400萬円成交。

原本只係一宗正常不過嘅拍賣，你賣我買，邊個開高價，邊個買。

離奇在，原來呢張彩色原稿，係「失物」。

事源1974年，漫畫家永安巧大師借出一批原稿，包括《愛與誠》漫畫作品原稿，參加一次畫展，但係結果活動完結之後，竟然有15張稿唔見咗。呢批原稿一直喺江湖失蹤超過40年，直到2018年5月，其中一張畫咗女主角嘅彩稿喺まんだらけ拍賣網站，以拍賣品形式出現。

當年邊個偷畫？而家又係邊個拎張畫出嚟賣？
明明冇咗15張，而家畫賣一張，係咪代表仲有14張畫會陸續拎出嚟？

喺緝兇之前，講談社貴為《愛與誠》出版社，就喺5月10日發聲明，聲稱呢批原稿係從來都冇拎過出嚟賣，買咗嘅人都係買賊贓，仲呼籲有人知批原稿嘅去向，要盡快同講談社聯絡，話呢個都係永安巧老師嘅意思。

嘩，講到係賊贓咁嚴重喎！
於是所有人係咁插まんだらけ，話佢哋好俾啲賊贓上架任人BIT。

まんだらけ喺5月12日發聲明反擊，內容係咁嘅：

1. 既然出版社話呢張拍賣原稿係當年失物，我哋有問過出版社究竟係咪淨係唔見咗15張，同埋確認番呢張原稿係唔係當年唔見咗嗰批嘅其中一張，但係出版社冇覆我哋，咁唯有當呢張畫未必係同一批畫。

2. 我哋公司打開門做生意就好守法嘅，呢單嘢咁插落嚟我哋度，點諗都覺得怪囉。

3. 既然係出版社唔見咗啲原稿，責任當然喺出版社啦喂，咁講到尾法律嘅嘢我識條鐵，睇吓法律上邊個負責囉。

4. 睇完你哋講談社聲明，我哋就覺得呢，你鬧買家好買賊贓（好似係），做咩啫，都係你哋唔見咗原稿至搞成咁。覺得對唔住永安巧老師嘅話，你哋出版社咪做番出版社嘅責任，BIT番張原稿走，咁就對得住永安巧老師喇。唔好同我講「以前啲員工衰唔關我事」呢啲嘢囉。

講談社同まんだらけ各執一詞。まんだらけ仲要鬧番講談社管理有問題，同埋冇出版責任。SO FAR到現時為止，講談社係冇補充嘅。

無論如何，原稿就賣咗，最傷心嘅其實係漫畫家永安巧本人。
永安巧嘅太太永安福子喺漫畫網站《壬生義士伝》出咗一篇「永安巧老師的說話」，內容大致係，《愛與誠》係心血結晶，好似佢哋兩個一手湊大嘅細路咁，當年啲原稿唔見咗已經好唔開心，而知道400萬円賣咗出去，兩老心情都好沉重。尤其永安巧老師身體唔好，真係冇晒心機。

『壬生義士伝』永安福子代筆發表「永安巧老師的說話」：
http://www.mibugishiden.com/comment.html

事件暫時告一段落，希望其他原稿可以番到原作者手上啦。

今次想講嘅係，「唔見咗原稿」呢件事，其實真係可大可小。

尤記得2008年，小學館唔見咗《魔界小金毛》５張原稿，被原作者雷句誠告上法廷，追討330百萬円損失，而小學館只肯賠50萬円。上咗3次法廷，結果係廷外和解，小學館埋單係俾咗225萬円謝罪金及和解金。而雷句誠與小學館正式解約，過檔去講談社，《魔界小金毛》重新喺講談社出版。

（當然，香港文化傳信版《魔界小金毛》因為當年係同小學館簽約，呢一刻自然要解除合約，連帶所有海外合約都要解除，所以海外版如果重出，都係講談社版本）

有時真係人夾人緣，如果好似雷句誠同小學館一樣，本身關係都已經麻麻，唔見咗原稿就會搞到法廷見。永安巧老師應該同講談社關係好好，大拿拿15張原稿，出版社唔見咗自己啲稿，仲可以同呢間出版社繼續合作。

其實大家都相信出版社未必有心整唔見啲原稿，尤其《愛與誠》批失稿消失江湖40年，一直都搵唔倒，出版社愧對老師，亦應該喺其他層面有對老師作出一啲補償。

但係，精明嘅香港人應該會覺得奇怪：
點解搞畫展之前唔買定保險？有咩事都算係有賠償，冇咁傷吖？

事實係咁嘅，莫講話1974年，就算係而家2018年，肯為漫畫嘅畫展受保嘅保險公司都唔多。

最大原因係，「無法估計漫畫原稿價值」。

當一本漫畫賣緊幾百円（或者卅幾蚊），咁一張原畫值幾多錢？任你講喎？而且，真係有人咁無聊去偷畫？

上面提到雷句誠事件，雷句誠提出一個POINT，「雖然我稿費好低，但係原稿係藝術」。講到藝術，就完全係另一個世界。

例如古董、名畫畫展或者拍賣，都有保險公司樂意受保，除咗知道批作品有市有價可以賣高價，仲知道主辦單位會做好保安，要賠嘅機會好細。

所以好多漫畫家／插畫家嘅畫展，都會用「複製原稿」取代原稿，以防有任何失竊。

但係漫畫係唔係藝術？
身為漫迷當然覺得「係」，即使用好平價錢可以買倒一期單行本，仍然係藝術。但係大眾社會喺幾十年嚟，仍然似乎未將漫畫提昇到藝術級水平。

任何漫畫家視自己作品如親生仔好正常，但係近十年嘅漫畫界，其實真係好流行「賣仔」。

漫畫家搞畫展（無論喺日本定海外），除咗會推出畫展限量精品、小畫冊、簽名板、直筆畫板，展示嘅原畫，往往會標明價錢，可以俾FANS買原畫走。咁樣做就方便保險公司開價，而賣到畫嘅錢，亦都係漫畫家另一個收入來源。

多產漫畫家唔怕賣咗自己嘅原稿，因為佢哋覺得可以再畫更加好嘅作品，自信嘅表現咪就係咁囉。

回想藝術界嘅畫家，都係靠賣畫維生，呢一點反而好藝術喎。

仲有另一種玩法。
除咗畫展，知名漫畫家仲可以搞FANS聚會，同FANS一齊舉行晚餐會兼分享講座，當然會去比較高級少少嘅餐廳，餐廳會提供同漫畫家作品有關嘅MENU，務求老師FANS都食得開開心心。

當然，首先你要係知名漫畫家。

（2017年淺田弘幸台北畫展。除咗限量小精品及畫冊，大部份展示原畫都有價錢，完美示範「賣仔莫摸頭」）

延伸閱讀：

有關雷句誠老師帶出的小學館問題〜其二
有關雷句誠老師帶出的小學館問題〜其三

今日金曲：

愛と誠～ALI PROJECT

《我家才沒電視咧》⇐ 我講過，我真係講過！

《我家才沒電視咧》⇐ 我講過，我真係講過！

書名：《ウチにテレビはありません》
　　《我家才沒電視咧》

作畫：井上菜摘
劇本：億章
出版社：秋田書店／青文
售價：￥648／NT 126
種類：有病／爆笑／職業

[傳送門：]

日版Kindle電子書

中文版官方網站(可試閱)

[勝手LINK]

>>MyArticle 認真地介紹<<

>>魚拓<<
NHK的收費

↓↓超級個人感想↓↓

「我沒有電視。」

首先，我得說清楚，這句對話我有說過。

所以看到這本漫畫，在一瞬間同步率高過真嗣和初號機。

當年去日本留學，只靠每月8萬円獎學金過活，連生活也有問題的時候，讓會去交甚麼NHK費用。

雖然只付每月一千多円，可是一年就差不多二萬，而且我又不看NHK！

（當年NHK我只看紅白，現在…好像也是）

我就這樣隔着大門，站在玄關，跟NHK的收數佬說「我家沒有電視」、「我是外國人」、「我不會說日語」，總之無賴到爆，就是不開門。

（其實外國人也要交NHK費，總之居住在日本就要交）

非官方的傳聞，日本有差不多八成人不會跟NHK簽約，當然也不會付NHK費。即使這是國民義務，可是不交NHK費也不會有警察上門拉人。當時我留學期間，認識的日本朋友當中就沒有一個的家庭會去交NHK費。

聽說NHK收數佬和稅務人員（其實都是收數佬。代表人物：HOMO本田家的大哥 by山田ユギ／CV：置鮎龍太郎）都是日本外父外母最討厭的職業，總對不同意把女兒嫁給從事這兩種職業的人。

（當NHK主播則另當別論）

「為了收數可以去到幾盡？」換着是我，一定會用這宣傳句做書條。

在漫畫中變態的追數手段笑到我肚痛，然後心中想着「幸好當年沒有這樣的NHK收數佬來找我」。

可能有見及走數情況嚴重，近年NHK的條文改成「即使家中沒有電視也有義務支付受信料」，而且現時NHK的服務擴充至數碼廣播，所以也新增了數碼廣播收費。

可是有了數碼廣播，NHK的敵人反而更多。

例如AMAZON PRIME每年3900円可以任看，誰會去支付那萬多二萬円的NHK費用啊。

NHK數碼廣播收費每月就要2千多円啊！

而且簽約後難CUT過香港有線電視，

NETFLIX能選擇一個月看一個月不看，用戶自由度很大，

NHK只能給你一次付全年費用有折扣。

（利申：正在享用AMAZON PRIME和NETFLIX的服務）

說了一大堆，回到漫畫本身，

井上菜摘老師「病作」真的只有這麼的一本，
而且真的病得很徹底，難怪只有這麼的一期便完結。

這位漫畫家的畫功非常好，
收數佬那種扭曲的形體、被追數者那些誇張的反應，
都為作品帶來一連串爆笑的效果。

在日本，這是2016年出版的作品了，謝謝青文在最近帶來中文版，相信印量很少，反正只有一期完，真的不妨入手笑餐飽。

當然，病系作品要看電波能不能對上，我的天線接收得很好～

在香港看電視不用錢真好。

當然，只限你只看CCTVB，所以賣TV的PLAN，一般都是上網PLAN包括在內才能成功收數。

沒有電視可以，沒有網絡可不行！

NHK不如學學這招吧！

延伸閱讀：

［考古］讓變態擴闊視野——《オカマ白書》／伊死的漫畫特區

廢青必讀！勵志到爆嘅《PLATINUM END》／伊死的漫畫特區

今日金曲：

Squall-冷たい衝動-ダイ(CV:梅原裕一郎)

HERO'S的經典重製——《幪面超人古迦》漫畫版!!

HERO'S的經典重製——《幪面超人古迦》漫畫版!!

書名：《幪面超人古迦》

原作：石之森章太郎

編劇：井上敏樹

漫畫：橫島一

企劃：白倉伸一郎
出版社：HERO'S／文化傳信

售價：￥648連稅／HK$42

種類：王道／動作／懸疑／拉打

[勝手LINK]：

ヒーローズ作品紹介ページ

[My Article]：

澳門日報周三動漫玩家

>>認真介紹<<

>>以下無責任個人感想<<

《幪面超人古迦》漫畫的中文版目前只有香港版，沒有台灣版，希望能幫到香港出版社升書。

話說回來，原本電視片集的故事是連續性的，不是一集一單元，這樣的安排本來已經很好看，漫畫版當然不會是單元形式，不過故事確實經大幅度改變。

如果沒有看過小田切讓的版本，看這漫畫版絕對沒有違和，不過假如是小田切讓版本鐵粉，要有心理準備。

漫畫版的五代雄介形象完全不一樣，不是ONE LENGHT頭的美型男主角，而是短髮陽光大男孩。我反而覺得漫畫版較適合這角色，畢竟這個角色每一集都會嚷着要去冒險，陽光到刺傷眼。

當然片集的的so gay部份，在漫畫版也能腦補，這也是我個人很滿意的地方。(喂!!!)

漫畫很有愛的是：彩頁很多!!!!!!!!

第1-2期都有大量彩頁，按連載時保留下來，這個決定太讚了~~~~!!!!

其他的就在專欄也說了，請高抬貴手看專欄介紹。（合掌）

今日金曲：

當然是這曲～

香港版當年的主題曲好熱血！

這不是日版改編的歌，是主張者張崇基本上原創的曲，熱血到今日！

TAG:
#MyArticle #KamanRider #Kuuga #幪面超人 #古迦 #灰銀色腰帶 #紫紅色盔甲

《少女編號》── 聲優業界背後的黑色世界？

書名：《ガーリッシュナンバー／少女編號》

作畫：堂本裕貴
劇本：渡航
出版社：KADOGAWA
售價：￥616+連稅
種類：青春／諷刺／職業／兄妺

[傳送門：]
Bookwalker電子版 (中文版)

[動畫版官網：]

http://www.tbs.co.jp/anime/gn/

>>MyArticle傳送門<<（認真腔）

>>搬運魚拓<<

這本有趣的地方，是用冷眼看整個聲優業界，
在一定程度上揭視業界的問題。
女主角這麼可愛，內心卻黑得要命，這樣的設定在任何作品中都很破格。看着女主角一邊在內心黑身邊的人和事（甚至朋友和哥哥），不禁覺得「嘩，你真猛！」，雖然沒宣之於口，但是她黑的地方都截中了重點，看着就是爽。

當年新番動畫不知怎的沒看這套（太可愛的畫風也不對味），
沒想到原來很有趣，
渡航的劇本現實中帶點奇趣，當然不算極寫實，總算是讓人面對聲優的其中一些沒浮面的寫照。

大塚明夫就出書叫人不要入行做聲優、野沢那智健在時也提到有工作的也只有那麼的一二百人。
大概沒那麼多人去看型叔說甚麼，反正就是想做聲優吧？
我懂！

看着這作品不少畫面，日本的錄音技術和我所知的香港的錄音技術也差不多，了解一下也不錯。

最神奇的還是出版方式，
這是2016年的作品，
可能是版權批核等問題，
要到2018年才能出版中文版，
卻不知怎的一口氣把全三期都推出來……
這樣的營銷方式好嗎？

女主角看着糧單時的反應也太熟悉：嘩只有五萬円啊～
唉，一個月錄4剔有五萬円已經很好了……
看看我們香港……

她最黑的一點還是：沒關係，就花哥哥的錢！

沒想到哥哥每月也不足二十萬收入。
我說啊，當聲優賺不到時，她的經理人會賺到嗎？

說到錢就是現實。
而且，還有另一種叫「競爭力」的現實。
哥哥被逼轉型、同期的聲優同學雖然出道，卻面對不敵年輕新一代的問題。
一邊看我會一邊心酸，也看得太投入了…

今日金曲：
TVアニメ『ガーリッシュナンバー』OPテーマ「Bloom」

TVアニメ『ガーリッシュナンバー』EDテーマ「今は短し夢見よ乙女」

伊死的漫畫特區

《極主夫道》快撚啲拍日劇啦！

雪晴老師，好好休息。

因為，雪晴老師真係好靚。

《先生白書》見證冨樫義博最勤力的日子

《悪魔を憐れむ歌》ーー漫畫家回歸的賛歌

暗黑英雄回歸！《螺絲俠EAT-MAN MAIN DISH》

《不幹了！我開除了黑心公司》

《愛與誠》原稿400萬円拍賣事件

《我家才沒電視咧》⇐ 我講過，我真係講過！

HERO'S的經典重製——《幪面超人古迦》漫畫版!!

HERO'S的經典重製——《幪面超人古迦》漫畫版!! 書名：《幪面超人古迦》

《少女編號》── 聲優業界背後的黑色世界？

《少女編號》── 聲優業界背後的黑色世界？

HERO'S的經典重製——《幪面超人古迦》漫畫版!!

書名：《幪面超人古迦》