津田健次郎請受我一拜！
今日日本網上最熱漫畫相關話題，一定係《極主夫道》真人版廣告！
為咗賀吓《極主夫道》漫畫版出到第4期，銷量超過120萬本，喺年尾無啦啦有條咁癲嘅宣傳片出現，明明12月頭官方先至出咗一條第4期嘅漫畫版宣傳片，點知仲會有條癲到神級一樣嘅真人版宣傳片。我直情係High到唔知應該點樣整理文路。
津田健次郎簡直係由漫畫行出嚟嘅一樣，堅到爆！
真人版宣傳片上傳只係1日，已經超過220萬個View。
一年前漫畫版宣傳片，累積係32萬個View，真係幫到手谷銷量。
［勝手LINK］
>《くらげバンチ》連載網站[免費閱讀]
>官方精品通販網站
>去Amazon.co.jp買書
《極主夫道》呢本漫畫係2018年嘅奇蹟，喺新潮社嘅網上平台《くらげバンチ》連載，平地一聲雷，憑住高反差兼易食到爆嘅情節爆紅，仲喺2018年掃晒年尾啲漫畫獎項。漫畫版人氣高企又好賣，為新潮社吐氣揚眉，網上漫畫平台捱咗咁多年都冇咩起色，今次出版社終於有漫畫係有錢賺。
《極主夫道》講咩？
故仔好簡單，人稱「不死身之龍」嘅黑社會大佬阿龍為真愛金盤洗手，留喺屋企做全職主夫，為女強人老婆美久日日煮飯洗衫打掃，同埋喺屋企撚吓貓。不過話晒係黑幫傳說，龍哥退隱江湖之後，都江湖味十足，一舉手一投足都散發住霸氣，搞到連煮飯洗衫同買餸都霸氣外露，成日俾白警逗、嚇親小朋友同街坊。
呢套作品最黐線又最好睇嘅地方，係睇住阿龍用好認真好黑社會嘅語氣同表情，真心做啲日常過日常嘅嘢。龍哥仲要女子力超強，勁過好多師奶仔。我相信睇住呢本漫畫，學嘅嘢多過「婦女新姿」同「都市閒情」（雖然兩個節目都唔存在）。
社團解散之後，佢以前啲同兄弟都轉晒行賣忌廉薄餅，連黑道大家姐都去咗超級市場做，但係唔知點解又係個個都一身江湖味。 呢集笑到反肚。大家姐啲日文真係江湖味濃到爆，用嘅字眼語帶雙關，可惜一譯做中文，就冇咗日文嘅玩味。個人覺得勉強似番原文霸氣意思嘅，都係用台語或者廣東話呢啲有咁多歷練嘅語言。（我流廣東話。台版中文版唔係咁嘅。）［click圖放大］
好睇在邊？
作者 おおのこうすけ一出道第一個連載就係《極主夫道》，畫功好之餘，掌握反差嘅Sense、每一話故事節奏都好正，幾乎每一話都會有估你唔倒嘅爆笑位，睇咗4期都唔厭，係近年出一期我會忍唔住敗家一期嘅好作品。
睇漫畫俾錢睇是常識，漫畫家都要食飯嘅。
呢套作品有個好勁嘅地方，就係即使你唔明日文，睇畫面大約都會由角色嘅表情、肢體語言、發生地點同環境等等，大致上明白佢哋搞緊咩。唔明日文都可以笑餐飽。
（真係俾過唔識日文嘅 Mokona Lam 睇，堅係笑得好開心）
目前有台灣中文版，但我個人覺得台版可以真癲啲，用台語譯會仲襯。
香港如果有人出版嘅話，用廣東話譯對白先至爽皮。
既然冇人出港版，又俾我手痕玩吓。
（又係嗰句，我手痕咋，大家去買正版！）
求其搵幾頁都見識倒情況有幾高反差，龍哥嘅反差萌完全係大佬級。佢條圍裙堅係有得賣。（我流廣東話。台版中文版唔係咁嘅。）［click圖放大］ 聲優選角FIT到爆，FANS一致覺得無論動畫化或者DRAMA CD化，都應該繼續沿用宣傳片嘅聲優。舉腳贊成！（我流廣東話。）
津田健次郎神還原《極主夫道》
喺第1期出版嘅時候，出版社用漫畫剪咗宣傳片，搵咗聲優津田健次郎為男主角「龍」配音。而之後期期都剪片，第2期條宣傳片加埋龍哥條阿雅（聲優：鈴村健一），第4期宣傳片係龍哥同佢好兄弟虎二郎（聲優：細谷佳正）一齊宣傳。
津田健次郎聲音沉厚，最易認得出佢有濃濃嘅鼻音，一口爛仔腔入型入格（正宗大阪人嚟㗎！）。由第1期宣傳片開始，把聲已經食到阿龍應一應，喺讀者心目中，一早就覺得「津田健次郎＝不死身之龍」。
原本FANS（包括我）都坐定粒六，等作品動畫化之後，繼續用番宣傳片嘅聲優班底，估唔到更加驚喜嘅係宣傳片會超進化，拍咗真人版，而且由津田健次郎本人飾演不死身之龍。有片為證，除咗把聲夠入格，津田健次郎係連造型同演技都完全還原不死身之龍，簡直係由漫畫走出嚟一樣！
睇埋Staff roll，津田健次郎仲有份做導演！ 津田健次郎自己都真心愛呢套作品，所以玩得好癲。
神還原！
日本聲優個個都咁堅㗎咩？
係津田健次郎勁咋。
咁又唔好太誇張，係津田健次郎本人勁啫。雖然日本聲優把聲正、演技好、唱得、跳得、做電台節目主持、玩埋舞台劇嘅人非常多，但係神到好似津田健次郎咁嘅，又真係冇幾多個。
津田健次郎當然係以上咁多樣都有玩晒，同時都係舞台劇演員，拍過日劇、電影，演出經驗嚟講可能活躍過好多名不經傳演員或者偶像仔。我成日以為佢有份配過《人中之龍》系列，睇番資料，原來係冇（反而李燦森有配過），希望《人中之龍》製作組諗諗佢。
相信喺津田健次郎嘅演藝生涯，除咗《網球王子》嘅乾貞治為聲優迷熟悉，《極主夫道》嘅不死身之龍都算係代表作。
結論：
《極主夫道》快撚啲拍日劇啦！
而家咁多網台，唔駛玩咁大同電視台咁，少少哋玩網台已經有好大迴響。
唔好嘥咗咁好嘅作品同有愛嘅Back Up團隊。
[0回]
[0回]
[0回]
書名：《空挺ドラゴンズ》
（空挺DRAGONS）
作者：桑原 太矩
出版社：講談社／東立
售價：￥648連稅
種類：美食／冒險／變態／屠龍
[勝手LINK]：
空挺ドラゴンズ / 桑原太矩 - アフタヌーン公式サイト
假如我仍在版權漫畫業界，這本作品一定要爭着推出香港版。
2017年感謝讓我遇上《空挺ドラゴンズ》，满足了冒險+美食的妄想！
身為叔控感到很高興！
男主角ミカ是個正叔～ヘタレかっこいい王道～
中文版推出後馬上在《澳門日報》的動漫版撰文介紹。
>>MyArticle傳送門<<（認真腔）
>>搬運魚拓<<
可惜中文版的書名直接用漢字出事了。
「空挺」是日語漢字，意思是飛船、飛艇，
「挺」字還給我照用，中文明明有個「艇」字。
台灣這家出版社的中文水平實在不能期待，
所以即使出了中文版，我仍然繼續KINDLE看日版。
還是回到作品好了，故事背景說，屠龍業盛行半世紀，令世上龍的數量暴減。
然而仍是有敢死隊不怕死，為了豐富的回報去捕龍、吃龍、買賣龍，不禁想到根本就是現實世界瀕臨絕種動物的寫照，光是這一點就已經感受到作者懷着怎樣的心意去創作這個故事。
屠龍已經不是中世紀騎士的專利，是充滿商機的行為，敢死隊由盜賊、罪犯等組成，為了錢而坐上飛船去屠龍，是個相對有組織的團體，完全與大航海時代的冒險家一樣。
故事的主線是「光龍傳說」，光龍的形像與聖經（外典）中的大天使原型倒是有幾份相像。
以下是這個BLOG唯一的看頭「我流漢化」（廣東話）；
還得再三聲明，有興趣朋友務必支持正版。BLOG主超懶不會譯全本書出來。
(右CLICK可以放大圖)
★煎龍尾扒挾三文治。可能是史上最貴三文治？頹叔你的眼神有問題！
★出現了！媽打海盜！（不是！）頹叔眼神超閃～
我流文案：
沒飯吃？何不吃龍糜？
延伸閱讀：
信蜂 Vol.04 （含少量漢化）／伊死的漫畫特區
ツレビト～連人～ ──對死亡的思考／伊死的漫畫特區
今日金曲：
Rhapsody Of Fire- power of the dragon flame
[0回]
跨越物種的真愛《大白熊熱戀中》
書名：恋するシロクマ・大白熊熱戀中
作者：ころも
出版社：KADOKAWA 角川書店／MEDIAFACTORY
售價：￥550 / NT$100（電子版）
種類：治癒／生活／小品
〔勝手LINK〕
PIXIV連載（日語）
BOOK WALKER電子版（中文）（提供購書及租書服務）
其實我一直對一些以動物為題材的漫畫（尤其貓狗等寵物）零興趣（我只愛野生動物），但是友人G看了後，用了大白熊壁咚小海豹的一幕推介，點中了我的萌穴，便在BOOK WALKER上租書看。
一看之下，不得了！
現在的BL都這麼萌嗎？
BL？
是的！
你沒看錯，這是BL。
大白熊（雄性）戀上小海豹（雄性），坦蕩蕩的BL漫!!
不，其實用BL漫去形容這作品實在太膚淺。
一言而蔽之，這是偉大的真愛！
試想想，白熊（雄）和海豹（雄），
是跨性別真愛！
是跨物種之戀！
是處於吃與被吃之間天敵的禁忌愛！
簡直是萌的極致！
然後！
大白熊（成年）見到小海豹（幼兒）後一見鍾情，
是對正太的醒覺！雖然我不萌正太
（小海豹甚至還未學會游泳）
繼續！
在北極的嚴寒氣候之下，還有面對更多大自然的獵食者，
大白熊（強者）保護小海豹（弱者），
呈現的是社會普世價值，強勢社群協助弱勢社群的道德標準。
還有！
小海豹的母親（家長）為覓食留下孩子，才讓大白熊邂逅小海豹，如此獨留鎖匙小孩的做法真的很危險啊，萬一大白熊真的吃了小海豹，或是小海豹遇到其他危險要怎麼辦？
完全是教育家長的好例子！
不過！
內容進一步昇華，小海豹的母親還是感受到大白熊的真心，放心把小海豹交給讓孩子終身依附的對象，實在得家長學習。
再數下去，這本漫畫似乎如聖賢書一樣偉大。
總之，來看好漫畫吧！
相關連結：
伊死推介好用的電子書平台BOOK WALKER
(以下這幕跨物種壁咚讓我乖乖付錢看書，也來釣釣大家）
[2回]
[0回]
[1回]
[0回]
[0回]
──以為是這樣，看了這《Goal Den Age》，才驚覺原來足球漫畫還有些很有趣的。
一直以「青春」與「汗水」作為賣點的運動漫畫；在這部作品中變為現實的「挫折」和「不甘」。
一般主角是萬人焦點，主角隊是精英中的精英；在這作品中一心以為進入國家青年軍的主角隊，原來不過是用來訓練國家隊的「陪跑馬」。
這種一反傳統的設定竟然十分有趣！
看著主角們想盡辦法向上爬，努力擺脫「陪跑」角色，反而比起每場波到最後都會腐碌勝出的「戴志偉式」故事好看得多。沒有挫折的話就沒有變化可看，這其實是一般少年漫畫的法則，只是不知為何一落在足球漫畫上，就會無視這種法則，反而鑽研足球場上各種華而不實的花樣和絕招。
──好心啦，又唔係睇聖鬥士星矢，乜得嚟咁多絕招先得吖！
我們都是被《足球小將》餵大的，還會有沒看過的足球絕技了嗎？當立花兄弟彈上龍門柱再打幾個筋斗彈回地上射完唔中又再補多球、當健威用空手道接波再用空手道傳波給小志強、還有良仔絕技面餅擋波護龍門等等都見過，已經不會再有更刺激的足球漫畫。
這樣子足球漫畫到底還要怎樣才會好看？
像這本反傳統的便是好例子了！
撇掉《少年JUMP》的「比賽就是少年漫畫」形式，《少年MAGAZINE》果然是以劇本為先，在設定和故事發展上開拓出新的足球漫畫路線來。
可惜一到了第３期，故事風格突變，主角阿和突然上位，被睇中成為國家隊正式隊員，更有機會打世界賽。故事來到這兒，竟然又變回傳統大路的運動漫畫，倒是沒有了前２期的驚喜。
其實好看的一定是過程，而不是結果，所以故事來到第３期沒戲唱也是很自然的事。再吹下去也只會令故事變爛不好看吧？
噢，我終於明白為什麼以前一球「衝力射球」可以踼足幾期了，因為一入球便要完場，我是編輯的話也會打死都不讓那球波射入龍門。
我們怪錯《足球小將》，怪錯高橋陽一，怪錯戴志偉了。
感謝他們為我們留住最精彩的一刻。
ＣMです。
[0回]
香港中文版漫畫翻譯擔當。