忍者ブログ

★No Manga No Life ★目標:日日MANGA ★前漫畫編輯無責任漫畫記事

2018.05┃ 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
★ BLOG内検索 ★
Home
2018-05-24-Thu 19:15:06 │EDIT
我要炒老闆!

書名:《ちょっと今から仕事やめてくる》
   《不幹了!我開除了黑心公司》
原作:北川惠海
漫畫:鈴木有布子
出版社:角川書店
售價:¥702 /  NT 130
種類:職場・心靈・劇情・微腐

[勝手LINK]
MyArticle漫畫介紹專欄

沒想到台灣出版社竟然會在這個月推出這本!
因為電影版去年暑假在台灣上映、香港也是去年10月上映的,而且小說也出版了一兩年了,總之漫畫版出版的最好時機已經過去。
可能又是等待版權批核等等成人的原因而受到拖延吧…


漫畫版由少女漫畫家鈴木有布子老師繪畫,害我覺得故事怎麼變得那麼BL… <<超錯!

尤其故事最後超展開,山本突然在青山面前消失了,那種「我是沒腳的雀仔,不要愛上我(叮!)」的感覺太強了。

而且青山為了追山本,竟然又追到去山本工作的醫院去!<<又錯

與《社畜人》相比的話,這本的劇情豐富,
而想笑的話,看黑色幽默的《社畜人》會較開心。

其實啊,在日本,
講述黑心公司、過勞工作等等同類型的書真的不少,
是日本的黑心公司太多,
還是日本打工仔太M了…
好吧,香港人也沒資格說他們就是…


☆最關鍵的一幕。主角青山下定決心炒老闆時說的這句~


今日金曲:

拍手[0回]

PR
2018-05-22-Tue 19:15:06 │EDIT
成件事以為睇緊武俠小說。

近日日本まんだらけ拍賣網站出現一宗高價漫畫原稿拍賣,拍賣品為國民級漫畫《愛與誠》彩色原稿,結果喺2018年5月6日以400萬円成交。

原本只係一宗正常不過嘅拍賣,你賣我買,邊個開高價,邊個買。

離奇在,原來呢張彩色原稿,係「失物」

事源1974年,漫畫家永安巧大師借出一批原稿,包括《愛與誠》漫畫作品原稿,參加一次畫展,但係結果活動完結之後,竟然有15張稿唔見咗。呢批原稿一直喺江湖失蹤超過40年,直到2018年5月,其中一張畫咗女主角嘅彩稿喺まんだらけ拍賣網站,以拍賣品形式出現。

當年邊個偷畫?而家又係邊個拎張畫出嚟賣?
明明冇咗15張,而家畫賣一張,係咪代表仲有14張畫會陸續拎出嚟?

喺緝兇之前,講談社貴為《愛與誠》出版社,就喺5月10日發聲明,聲稱呢批原稿係從來都冇拎過出嚟賣,買咗嘅人都係買賊贓,仲呼籲有人知批原稿嘅去向,要盡快同講談社聯絡,話呢個都係永安巧老師嘅意思。



嘩,講到係賊贓咁嚴重喎!
於是所有人係咁插まんだらけ,話佢哋好俾啲賊贓上架任人BIT。

まんだらけ喺5月12日發聲明反擊,內容係咁嘅:
1. 既然出版社話呢張拍賣原稿係當年失物,我哋有問過出版社究竟係咪淨係唔見咗15張,同埋確認番呢張原稿係唔係當年唔見咗嗰批嘅其中一張,但係出版社冇覆我哋,咁唯有當呢張畫未必係同一批畫。

2. 我哋公司打開門做生意就好守法嘅,呢單嘢咁插落嚟我哋度,點諗都覺得怪囉。

3. 既然係出版社唔見咗啲原稿,責任當然喺出版社啦喂,咁講到尾法律嘅嘢我識條鐵,睇吓法律上邊個負責囉。

4. 睇完你哋講談社聲明,我哋就覺得呢,你鬧買家好買賊贓(好似係),做咩啫,都係你哋唔見咗原稿至搞成咁。覺得對唔住永安巧老師嘅話,你哋出版社咪做番出版社嘅責任,BIT番張原稿走,咁就對得住永安巧老師喇。唔好同我講「以前啲員工衰唔關我事」呢啲嘢囉。


講談社同まんだらけ各執一詞。まんだらけ仲要鬧番講談社管理有問題,同埋冇出版責任。SO FAR到現時為止,講談社係冇補充嘅。

無論如何,原稿就賣咗,最傷心嘅其實係漫畫家永安巧本人。
永安巧嘅太太永安福子喺漫畫網站《壬生義士伝》出咗一篇「永安巧老師的說話」,內容大致係,《愛與誠》係心血結晶,好似佢哋兩個一手湊大嘅細路咁,當年啲原稿唔見咗已經好唔開心,而知道400萬円賣咗出去,兩老心情都好沉重。尤其永安巧老師身體唔好,真係冇晒心機。

『壬生義士伝』永安 福子代筆發表「永安巧老師的說話」:
http://www.mibugishiden.com/comment.html




事件暫時告一段落,希望其他原稿可以番到原作者手上啦。

今次想講嘅係,「唔見咗原稿」呢件事,其實真係可大可小。

尤記得2008年,小學館唔見咗《魔界小金毛》5張原稿,被原作者雷句誠告上法廷,追討330百萬円損失,而小學館只肯賠50萬円。上咗3次法廷,結果係廷外和解,小學館埋單係俾咗225萬円謝罪金及和解金。而雷句誠與小學館正式解約,過檔去講談社,《魔界小金毛》重新喺講談社出版。

(當然,香港文化傳信版《魔界小金毛》因為當年係同小學館簽約,呢一刻自然要解除合約,連帶所有海外合約都要解除,所以海外版如果重出,都係講談社版本)

有時真係人夾人緣,如果好似雷句誠同小學館一樣,本身關係都已經麻麻,唔見咗原稿就會搞到法廷見。永安巧老師應該同講談社關係好好,大拿拿15張原稿,出版社唔見咗自己啲稿,仲可以同呢間出版社繼續合作。

其實大家都相信出版社未必有心整唔見啲原稿,尤其《愛與誠》批失稿消失江湖40年,一直都搵唔倒,出版社愧對老師,亦應該喺其他層面有對老師作出一啲補償。


但係,精明嘅香港人應該會覺得奇怪:
點解搞畫展之前唔買定保險?有咩事都算係有賠償,冇咁傷吖?

事實係咁嘅,莫講話1974年,就算係而家2018年,肯為漫畫嘅畫展受保嘅保險公司都唔多。

最大原因係,「無法估計漫畫原稿價值」

當一本漫畫賣緊幾百円(或者卅幾蚊),咁一張原畫值幾多錢?任你講喎?而且,真係有人咁無聊去偷畫?

上面提到雷句誠事件,雷句誠提出一個POINT,「雖然我稿費好低,但係原稿係藝術」。講到藝術,就完全係另一個世界。

例如古董、名畫畫展或者拍賣,都有保險公司樂意受保,除咗知道批作品有市有價可以賣高價,仲知道主辦單位會做好保安,要賠嘅機會好細。

所以好多漫畫家/插畫家嘅畫展,都會用「複製原稿」取代原稿,以防有任何失竊。

但係漫畫係唔係藝術
身為漫迷當然覺得「係」,即使用好平價錢可以買倒一期單行本,仍然係藝術。但係大眾社會喺幾十年嚟,仍然似乎未將漫畫提昇到藝術級水平。

任何漫畫家視自己作品如親生仔好正常,但係近十年嘅漫畫界,其實真係好流行「賣仔」。

漫畫家搞畫展(無論喺日本定海外),除咗會推出畫展限量精品、小畫冊、簽名板、直筆畫板,展示嘅原畫,往往會標明價錢,可以俾FANS買原畫走。咁樣做就方便保險公司開價,而賣到畫嘅錢,亦都係漫畫家另一個收入來源。

多產漫畫家唔怕賣咗自己嘅原稿,因為佢哋覺得可以再畫更加好嘅作品,自信嘅表現咪就係咁囉。

回想藝術界嘅畫家,都係靠賣畫維生,呢一點反而好藝術喎。

仲有另一種玩法。
除咗畫展,知名漫畫家仲可以搞FANS聚會,同FANS一齊舉行晚餐會兼分享講座,當然會去比較高級少少嘅餐廳,餐廳會提供同漫畫家作品有關嘅MENU,務求老師FANS都食得開開心心。

當然,首先你要係知名漫畫家。

(2017年淺田弘幸台北畫展。除咗限量小精品及畫冊,大部份展示原畫都有價錢,完美示範「賣仔莫摸頭」)





延伸閱讀:

拍手[0回]

2018-05-09-Wed 13:17:56 │EDIT
《我家才沒電視咧》⇐ 我講過,我真係講過!

書名:《ウチにテレビはありません》
   《我家才沒電視咧》
作畫井上菜摘
劇本:億章
出版社:秋田書店/青文
售價:¥648/NT 126
種類:有病/爆笑/職業
[傳送門:]
 
[勝手LINK]
>>魚拓<<
NHK的收費


↓↓超級個人感想↓↓
「我沒有電視。」
首先,我得說清楚,這句對話我有說過
所以看到這本漫畫,在一瞬間同步率高過真嗣和初號機。
當年去日本留學,只靠每月8萬円獎學金過活,連生活也有問題的時候,讓會去交甚麼NHK費用。
 
雖然只付每月一千多円,可是一年就差不多二萬,而且我又不看NHK!
(當年NHK我只看紅白,現在…好像也是)
 
我就這樣隔着大門,站在玄關,跟NHK的收數佬說「我家沒有電視」「我是外國人」、「我不會說日語」,總之無賴到爆,就是不開門。
(其實外國人也要交NHK費,總之居住在日本就要交)
 
非官方的傳聞,日本有差不多八成人不會跟NHK簽約,當然也不會付NHK費。即使這是國民義務,可是不交NHK費也不會有警察上門拉人。當時我留學期間,認識的日本朋友當中就沒有一個的家庭會去交NHK費。 
 
聽說NHK收數佬稅務人員(其實都是收數佬。代表人物:HOMO本田家的大哥 by山田ユギ/CV:置鮎龍太郎)都是日本外父外母最討厭的職業,總對不同意把女兒嫁給從事這兩種職業的人。
(當NHK主播則另當別論)
 
「為了收數可以去到幾盡?」換着是我,一定會用這宣傳句做書條。
在漫畫中變態的追數手段笑到我肚痛,然後心中想着「幸好當年沒有這樣的NHK收數佬來找我」。
 
可能有見及走數情況嚴重,近年NHK的條文改成「即使家中沒有電視也有義務支付受信料」,而且現時NHK的服務擴充至數碼廣播,所以也新增了數碼廣播收費。
 
可是有了數碼廣播,NHK的敵人反而更多。
例如AMAZON PRIME每年3900円可以任看,誰會去支付那萬多二萬円的NHK費用啊。
NHK數碼廣播收費每月就要2千多円啊!
而且簽約後難CUT過香港有線電視,
NETFLIX能選擇一個月看一個月不看,用戶自由度很大,
NHK只能給你一次付全年費用有折扣。
(利申:正在享用AMAZON PRIME和NETFLIX的服務)
 
說了一大堆,回到漫畫本身,
井上菜摘老師「病作」真的只有這麼的一本,
而且真的病得很徹底,難怪只有這麼的一期便完結。
 
這位漫畫家的畫功非常好,
收數佬那種扭曲的形體、被追數者那些誇張的反應,
都為作品帶來一連串爆笑的效果。
 
在日本,這是2016年出版的作品了,謝謝青文在最近帶來中文版,相信印量很少,反正只有一期完,真的不妨入手笑餐飽。
 
當然,病系作品要看電波能不能對上,我的天線接收得很好~
 
在香港看電視不用錢真好。
當然,只限你只看CCTVB,所以賣TV的PLAN,一般都是上網PLAN包括在內才能成功收數。
沒有電視可以,沒有網絡可不行!
NHK不如學學這招吧!

延伸閱讀:
廢青必讀!勵志到爆嘅《PLATINUM END》/伊死的漫畫特區

今日金曲:
Squall-冷たい衝動-ダイ(CV:梅原裕一郎)
 

拍手[0回]

ACCESS
★ FREETALK ★
11/11/2017

★ 我畢業喇 ★

文化傳信より卒業致します!
もうたくさんを貰って、
楽しくやらせていただきました。
これからも出版業界にいるから
身につけたものを活用しようと思いながら、
前向きにもっと勉強したいです。
まだまだNO MANGA NO LIFE な日々を過ごそう。
香港の出版業界はこれ以上に落ちる余裕が無いから、
これから大丈夫だと思うけど、
必ず戻ってくるよ。
初入站注意事項
歡迎來到伊死不入流的漫畫blog(裏版)!由於盜文的情況嚴重(真謎),麻煩大家注意一下一些小地方:
★留言時請遵守網絡禮儀,大家志在交流得愉快吧!
★轉文、引用時請列明出處。
★這站內的「我流漢化漫畫」出於一時手痕及個人惡趣味,並不是甚麼好東西,有興趣的朋友請一定絕對緊記購買正版漫畫!
★這裏不提供漫畫下載,請支持正版漫畫!
★除了留言,也歡迎來plurk找我玩:
http://www.plurk.com/ishi 希望大家玩得愉快~
最新記事
(05/24)
(05/22)
(05/09)
(04/26)
(04/11)
(03/29)
(03/14)
(02/28)
(02/14)
(12/26)
(11/10)
(04/17)
(01/03)
(12/12)
(12/02)
(11/30)
(07/26)
(07/21)
(01/15)
(09/02)
(04/15)
(04/07)
(03/02)
(12/24)
(11/17)
★ 最新留言 ★
~歡迎大家暢所欲言~
[01/27 伊死]
[01/26 阿敏]
[12/02 ishi]
[12/01 大明]
[12/01 伊死]
[10/06 ishi]
[10/05 雪靜]
[09/23 ishi]
[09/23 オニギリ]
[08/29 爻一一]
★ PROFILE ★
HN:
ishi
年齢:
89
HP:
性別:
非公開
誕生日:
1929/05/23
職業:
出版関係
趣味:
吃喝玩樂
自己紹介:
★ishi,字伊死,性貧窮,卻不精打細算,乜都知少少但冇樣掂…
★前火狗工房《SpeedUP》無責任編輯之一,現職某漫畫出版公司小小文職人員。
★最愛蝙蝠俠與羅賓、全職聲迷,香港日本無差別戀聲族。
★激愛聲優古澤徹‧福山潤‧置鮎龍太郎‧水樹奈奈‧成田劍‧招世亮‧郭志權…〔下略〕
★日語程度只到吹水級數,但厚顏無耐的翻譯過商業遊戲,現向翻譯中文版努力重新學習日語中。憎死敬語,可惜每天都要用…
★以漫畫分類,介乎萌與腐之間,但FU味較重。
★閒來請來吹水~
其他頁面
★得閒睇埋★
Working Record
★我的工作紀錄
2012/11/23 Update

offline+Gallery
●=offline ★=illustrations

akashitsuji 赤執事


A/P/H


saiyuki & others 最遊記&其他峰倉派


superheroes 超美英雄部


firedogstudio 火狗工房


others 個人惡趣味


Original 胎死腹中原創

★ 我的翻譯 ★
★ GAME ★
「愛神餐館2」PC中文版
香港火狗工房與日本SUCCESS共同開發的育成‧經營遊戲。中文化擔當,包括遊戲所有內容、包裝、部份說明及攻略。售價HK$168。

★ 漫畫 ★
☆BRAVE10~真田十勇士~ 香港中文版漫畫翻譯擔當。
現已發售,定價HK$33
超級期待CD DRAMA版!


Powered by 忍.jp Design by Alphaあるふぁ
Copyright © 2006 伊死的漫畫特區 Some Rights Reserved.
http://ishicomic.blog.shinobi.jp/
忍者ブログ[PR]